Besimtarët ortodoksë kanë kremtuar sot Pashkën, festën e Ringjalljes së Krishtit.
Të shumtë kanë qenë vizitorët në Mitropolitë apo Katedralen ortodokse, ku kanë uruar festën
Myftiu i Korçës, Ledian Cikalleshi ka bërë një vizitë në Mitropolinë e Korçës, nga ku ka uruar besimtarët ortodoksë.
Vizita e myftiut ka shënuar një tjetër rast të bashkëjetesës fetare në Shqipëri, nga të paktat çështje që vlerësohet edhe në raportet ndërkombëtare.
“Kjo ditë, ashtu si në ditët e tjera të festave, njerëzit mblidhen, urojnë dhe festojnë me njëri-tjetrin, kjo ditë duhet të jetë një ditë reflektimi për ne”, tha Cikalleshi.
Sipas myftiut të Korçës, kjo është një ditë kur ne të mendojmë se Zoti do të jetë në jetën tonë.
