Të shtëna me armë zjarri u shënuan mesditën e sotme në fshatin Luarëz të Velipojës.
Pas marrjes së njoftimit, forca policore, përfshi edhe FNSH-në, shkuan në vendngjarje dhe një hetim nisi për të zbardhur atë ç’ka ndodhi. Sipas hetimeve paraprake, rezulton se u qëllua me armë zjarri në ajër nga një mjet në lëvizje. Autorët mbetet ende të pa identifikuar nga policia.
“Rreth orës 12.05 në fshatin Luarëz, persona të pa identifikuar duke lëvizur me një mjet në rrugën kryesore dyshohet se kanë qëlluar me armë zjarri në ajër. Në vendngjarje kanë shkuar menjëherë forcat e policisë lokale dhe FNSH-së, të cilat kanë bërë rrethimin e zonës për identifikimin dhe kapjen e personave. Grupi hetimor vijon veprimet në vendngjarje për sqarimin e plotë të rrethanave”, thuhet në njoftimin paraprak të policisë. /bn/
