Në një ndeshje të ligave inferiore në Angli, futbollisti Julius Muraga, është ndëshkuar me karton të kuq nga gjyqtari për një ndërhyrje të parregullt, që i ka bërë kundërshtarit.
Deri këtu çdo gjë është normale, por më vonë vjen çudia e paparë ndonjë herë. Muraga pas kontestimeve për kartonin e kuq, është drejtuar në dhomat e zhveshjeve dhe ka ulur siguresat e dritave të stadiumit, duke e lënë fushën në një errësirë totale.
Për 5 minuta stadiumi ka qenë pa drita dhe loja është ndërprerë. Teknikët risollën normalitetin dhe loja vazhdoi më pas. Muraga është shprehur se këtë gjë e bëri padashje dhe ka kërkuar ndjesë.
