Valiaj e quajti protestën e opozitës si një “idiotësi epike” duke bërë replikë në distancë edhe me ish-presidentin, Bujar Nishani dhe kreun democrat, Lulzim bashën të cilët sipas tij I kanë fëmijët në Austri dhe Holandë dhe se nuk duhet luftuar për ta (lexo këtu).
Ndërkohë ka ardhur edhe reagimi i Bujar Nishanit i cili shkruan në rrjetet sociale se deklaratat e Veliajt janë të një : “rrugaçi i pashkollë që e kanë vënë në krye të Bashkisë së Tiranës paska marrë në gojë djalin tim nga ekranet e tv-ve”.
Nishani i kujton Veliajt deklaratat e tij mbi shpenzimt e dasmës së tij për të cilat ka deklaruar se I ka mbulouar mamaja e tij si dhe vdekjen e Ardit Gjoklajt i cili humbi jetën tragjikisht në landfillin e Sharës.
Reagimi i plotë:
Rrugaçi i pashkollë që e kanë vënë në krye të Bashkisë së Tiranës paska marrë në gojë djalin tim nga ekranet e tv-ve.
Llaxorja që nuk e njeh nderin e dinjitetin e familjes, pasi u martua me paratë e “djersës” së mamasë, merr kurajon ti tregojë moralin këtij populli që helmohet çdo ditë nga betoni i narkomafias.
Nuk e kuptoka përse protestojnë shqiptarët !?
Ka njëmijë e një arsye pse ata dalin rrugëve të Shqipërisë.
Ata dalin edhe për Arditin, fati tragjik i të cilit do të tmerrojë gjithë jetën edhe të birin e këtij deviacioni human, sapo të ketë mundësinë ta mësojë.
