Gjykata e Krimeve të Rënda ka lënë nën masën e sigurimit personal arrest me burg Elton Piklin, personin e pestë që u arrestua si i pjesëmarrës në grabitjen e aeroportit të Rinasit.
32-vjeçari nga Kruja i cili punonte si kasap, akuzohet për: “Vjedhjes me armë të kryer në bashkëpunim” në kuadër të “Grupit të Strukturuar Kriminal”, ”Mbajtjes pa leje e armëve dhe municioneve luftarake” , “Vrasje e Punonjësve të Policisë “ e kryer në bashkëpunim e mbetur në tentativë.
Pikli ka qenë person me precedent të mëparshëm penalë, por pavarësisht kësaj në zgjedhjet lokale të vitit 2011, Pikli garoi për një vend në këshillin e qytetit nën siglën e “Aleancës Arbnore Kombëtare”, që ishte në kualicion me PS-në.
Përveç Piklit, në pranga janë vënë edhe katër persona të tjerë lidhur me grabitjen, pas së cilës mbeti i vrarë edhe Admir Murataj. Alkond Bengasi, Oltian Veseli, Renaldo Sula dhe Saimir Çela. Të katërt janë lënën nën masën e sigurisë arrest me burg nga gjykata. /bn/
