Një nga tre burrat që ishin fajtorë për një nga krimet më të rënda të urrejtjes në historinë e SHBA, u ekzekutua mbrëmjen e së mërkurës me anë të një injeksioni vdekjeprurës në burgun e Teksasit.
Personi i dënuar ishte akuzuar për vrasjen e një njeriu me ngjyre James Byrd Jr, gati 21 vjet më parë në mënyrë makabre dhe barbare.
John William King 49 vjeç ishte fajtori i dytë që vdiq, dhe autoritet deklaruan që ai tha “Jo” kur u pyet nëse kishte ndonjë fjalë të fundit për të shprehur.
Ai bashkë me 2 bashkëpunëtorët e tij kishin lidhur në pjesën e prapme të një kamioni burrin me ngjyrë dhe e tërhoqën për gati 3 milje përgjatë një rruge të izoluar në pyjet me pisha jashtë Jasper, Texas.
Motra e King është shprehur që nuk ndieu asgje kur pa vllanë e saj të vdiste.
“Ekzekutimi ishte përmbushje e dënimit. Ai nuk ka shprehur asnjë ndjenjë keqardhje për krimin që kreu” u shpreh motra e King.
King ishte haptazi racist dhe kishte tatuazhe fyese për rracat e tjera në trupin e tij, duke përfshirë një, ku shfaqej një zezak me një lak rreth qafës së tij varur në një pemë.
