Kreu i qeverisë ka replikuar me deputeten e opozitës së re Rudina Hajdari, lidhur me akuzat e saj sa i përket situatës politike në vend. Ai nuk ka hezituar ti tregojë edhe një herë deputetëve të opozitës se humori që ai ka përdorur herë pas here në daljet e tij publike apo edhe në Kuvend nuk ka asgjë të keqe përvecse ndikim pozitiv.
Ai gjithashtu iu përgjigj Hajdarit lidhur me pyetjen e benefiteve të marrëveshjes mes opozitës dhe maxhorancës.
“Meqë më pyete për të mirat e sistemit. Po të them se nga ajo marrëveshje e 2009-ës ti je këtu në parlament. Unë nuk bëj gjyqin e dinjitetit. Nuk besoj se ndonjëri nga ne është në lartësinë që të japë vlerësime, për dinjitoz apo jo dinjitoz. Nuk i hyj këtij debati. Mes humorit thuhen edhe të vërteta. Humori, e vetmja armë për t’ju kthyer brutalitetit. Nga ajo marrëveshje kemi patur zgjedhje shumë herë më të mira se më parë. Kemi parlament më cilësor se më parë. S’ka sistem zgjedhor më të mirë se një tjetër,” tha Rama.
