Qytetarë të shumtë kanë bllokuar prej orës 18:00 rrethrrotullimin në Milot, ku kanë krijuar trafik. Kryedemokrati Lulzim Basha iu bashkua protestës, nga ku u shpreh se në 30 qershor nuk do të ketë zgjedhje pa opozitën. Ndërsa kryeministrin Edi Rama e cilësoi “përdhunuesin serial të zgjedhjeve”.
Policia nga ana tjetër ka bërë thirrje qytetarëve që të largohen nga rruga, pasi sipas tyre ky tubim është i paligjshëm. Ata kanë thënë se do të përballen me ligjin, nëse vijojnë të mbajnë rrugën të bllokuar.
Protesta me bllokime aksesh po zhvillohen edhe në Tiranë, Durrës, Fier, Elbasan.
Opozita kërkon larimin e kryeministrit Edi Rama, si kusht i panegociueshëm për përgatitjen e zgjedhjeve të lira e të ndershme.
