Policia e Përmetit ka vënë në pranga dy persona për shkak se gjatë ditës së djeshme kanë plagosur disa herë me thikë 20-vjeçarin V.XH, i cili është dërguar në spitalin e Traumës në kryeyqytet.
Personat e arrestuar janë A.Z., 25 vjeç dhe M.A., 26 vjeç, ndërsa si provë material policia ka sekuestruar dhe një thikë.
Njoftimi i policisë:
Arrestohen në flagrancë dy shtetas për veprën penale “Plagosje e rëndë me dashje, e kryer në bashkëpunim”.
Nga specialistët e Seksionit Kundër Krimeve në Komisariatin e Policisë Përmet u arrestuan në flagrancë shtetasit:
A.Z., 25 vjeç dhe M.A., 26 vjeç, banues në Përmet, pasi:
Në datë 24.04.2019, në Pedonale në Përmet, për motive të dobëta kanë goditur disa herë me thikë , në pjesë të ndryshme të trupit shtetasin V.Xh , 20 vjeç, banues në Përmet, i cili u transportua në spitalin e Traumës Tiranë.
Në cilësinë e provës materiale u gjet dhe u sekuestrua një thikë.
Materialet i kaluan Prokurorisë Pranë Gjykatës së Shkallës së Parë Përmet për hetime të mëtejshme.
