Një tjetër ngjarje e rëndë është regjistruar në qytetin e Elbasanit, katër punonjës të FSDKSH, mësohet të jenë prekur nga tuberkulozi.
Burime bëjnë me dije se fillimisht ka qenë i prekur njëri nga punonjësit dhe më pas janë infektuar të tjerët.
Burime mediatike kanë bërë me dije se se fillimisht sekretarja e këtij institucioni është paraqitur në spitalin “Shefqet Ndroqi” në Tiranë, ku është zbuluar se ajo ishte e infektuar nga tuberkulozi.
Nga Tirana është dërguar një ekip, të cilët kanë bërë verifikimet e nevojshme, dhe është zbuluar se janë të sëmurë edhe 3 punonjës të tjerë. Gjendja e tyre, për fat të mirë është optimale, dhe ata i janë nënshtruar trajtimit të nevojshëm shëndetësor.
