Kreu i opozitës Lulzim Basha, ka qenë i pranishëm në protestën e qytetarëve sot në Milot. Në fjalën e tij Basha tha se në 30 qershor nuk do të ketë zgjedhje pa opozitën.
Sipas tij opozita e vërtetë është në krahë të qytetarëve, ndërsa ka thumbuar patozin dhe partinë e re Bindja Demokratike, duke e cilësuar krijim dhe shërbëtor të Edi Ramës.
‘Protestues dinjitozë gardianë të lirisë dhe demokracisë, më lejoni të shpreh mirënjohjen time të thellë për pjesëmarrjen tuaj masive, monumentale këtë të enjte këtu në Milot dhe falënderoj në emrin tuaj dhe të gjithë shqiptarëve të ndershëm të gjithë protestuesit e tjerë që nisin sot aktin e mosbindjes civile, si dëshmi dhe provë e provës së pathyeshme të popullit shqiptar dhe vendosmërisë tonë, për ta çuar deri në fund betejën që kemi nisur dhe për ta kurorzuar atë me fitore. Njësoj si mijëra shqiptarë sot, edhe vendi ynë ndodhet në një udhëkryq të rrezikshëm ku e ka sjellë njeriu më i inkriminuar që njeh historia e pluralizmit, arroganti, hajduti mashtruesi Edi Rama, i cili me bandën e tij brenda 6 viteve i vuri shkelmin demokracisë, drejtësisë, ekonominë, solli krimin në sofër, uli oligarkët në krye të pasurive të shqiptarëve duke detyruar 500 mijë shqiptarë të braktisin vendin. Ne e dimë fare mirë se ky udhëkryq vijon në përditshmërinë e çdo shqiptari. Shumë prej jush kanë ardhur për zgjedhjet e lira, sepse e dinë fare mirë se pa zgjedhje të lira nuk mundet të ketë luftë ndaj varësisë. Vendimi kriminale si ai taksës Rama që e kanë bërë çmimin e karburantit më të shtrenjtit në Europë. Vendime të tilla kanë shkatërruar bizneset, kanë shpunësiar qindra mijëra familjarë dhe e kanë bërë të pamundur gjetjen e një vendi pune me pagë dinjitoze. Vetëm një uzurpator që e ka lidhur fatin e tij me kriminelët dhe hajdutë oligarkët, mund të marrë vendime kriminale për nxjerrjen nga shtëpitë e tyre të banorëve dhe foshnjeve me dhunë dhe gazlotjsllës, të shkatërrimit të shtëpive me të njëjtën urrejtje si pushtuesit. Themeli i kësaj të keqeje është rënia e demokracisë, rënaia e votës së lirë, pa votë të lirë nuk ka demokraci. Kjo është esenca e betejës tonë, pa zgjedhje të lira nuk hapen dyert e Europës, pa zgjedhje të lira e keqja do ju dhunojë e përdhunoje shqiptarët në vatrat e tyre, do ti vjedhë e varfërojë çdo ditë. Ne jemi të vendosur se kështu nuk mund dhe nuk do të vazhdohet më. Unë kam nderin të vij sot para jush përulësisht me mesazhin se PD dhe opozita janë sot koalicioni më i madh me qytetarët. Ai e lidhi fatin me kriminelët dhe është bërë shërbëtor i ortakëve të tij në krim, që e sollën dhe mbajnë në pushtet. Por ora e Shqipërisë Çiflig i Ramës dhe 20 hajdutëve të tij, po troket. 10 javë më parë ne morëm vendimin historik për të zhveshur opozitën nga çdo privilegj për të dorëzuar mandatet dhe për të qëndruar krahë për krahë me qytetarët shqiptarë, nga mëngjesi deri në mbrëmje, në një betejë që do ta fitojmë për demokracinë dhe fëmijët tanë. Më 30 qershor Nuk ka për të patur zgjedhje në Shqipëri, këtë e di edhe bufi dhe vëllai i bufit Edi Rama, nuk ka zgjedhje pa opozitën, ato vetëm zgjedhje nuk janë. Opozita as nuk klonohet as nuk shpiket dhe as nuk krijohen shrëbëtorët e Edi ramës, ka vetëm një opozitë ata jemi ne. Nuk ka e nuk do të ketë zgjedhje në 30 qershor, sepse ne jemi të vendosur që mos lejojmë më kurrë krimin elektoral, që ëhstë nëna e krimeve ekonomike, varfërisë, papunësisë që ka pruodhurar njeriu m i korruptuar Edi rama. Ndaj jemi sot këtu për të dëshmmuar vendosmërinë tonë pët ti shkuar betejës deri në fund. Ne nuk do të lejojmë me azsnjë çmim zgjedhje farse. Nuk do të lejojmë krim elektoral në asnjë qendër votimi, pro do të luftojmë sy për sy e dhëmb për dhemb për votën e lirë’, deklaroi Basha.
