Ali Sowe vazhdon të gjejë rrugën e rrjetës për ekipin e CSKA-së në Bullgari edhe pse jo si sezonin e kaluar kur mbante veshur fanellën e Skënderbeut.
Sulmuesi nga Gambia, ka qenë pjesë i një ndeshje të çmendur në gjysmëfinalen e Kupës së Bullgarisë.
Sowe ishte autori i një dopiete për CSKA-në në takimin e sotëm, por një gol në limite i Botev Plovdivit çoi rezultatin në baraspeshë 3 – 3 (ndeshja e parë ishte fituar 3 – 2 nga Botev Plovdiv) duke zhvleftësuar dy golat e Soues dhe duke lënë kryeqytetasit jashtë finales së Kupës.
Eliminimi dhemb më shumë dhe për faktin se Botev luante me nëntë lojtarë që prej minutës së 83-të dhe një gol tjetër do mbyllte përfundimisht çështjen e kualifikimit.
