Minstrja e Infrastrukturës dhe Energjisë, Belinda Balluku dhe ministri i Mjedisit, Blendi Klosi kanë zhvilluar një vizitë në kuadrin e platformës së bashkëqeverisjes në Kolonjë.
Raportohet se vizita e tyre është bojkotuar në masë nga qytetarët ndërkohë në videon e mëposhtme ministrja Balluku duket sikur i “shfryn nervat” mbi interesin e gazetarëve.
Raportohet se të pranishëm në takimin e dy ministrave kanë qenë vetëm punonjës të administratës nga Gjirokastra, ku përfshihen drejtori i OSHEE, drejtori i Pyjores, drejtori i Zonave të Mbrojtura si dhe një numër prej 10 personash nga banorët e zonës.
Në nisje të takimit, Balluku ka refuzuar të prononcohet për mediat dhe këmbëngulja e gazetares për ti marrë ndonjë deklaratë me sa duket e kanë nervozuar atë duke i’u drejtuar me fjalët: “Pse bërtet”.
Ndërkohë që ky takim bëhet në një kohë kur qytetarët e Kolonjës kundërshtojnë ndërtimin e HEC-it në këtë zonë.
