Një 50-vjeçar nga Korça është ndaluar në Kapshticë, pasi i janë gjetur cigare pa pullë fiskale.
“Specialistët e Seksionit për Krimin Ekonomik Financiar në Drejtorinë Vendore të Policisë Korçë, bënë arrestimin në flagrancë të shtetasit: A.P, 50 vjeç, banues në Korçë”, njoftoi Policia.
Arrestimi i tij u bë pasi, në dalje të Republikës së Shqipërisë, gjatë kontrollit të ushtruar nga shërbimet e Policisë Kufitare, në mjetin e tij tip “Volvo”, iu gjetën e sekuestruan në cilësinë e provës materiale 100 steka cigare pa pullë fiskale, shtuan të njëjtat burime.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme, thuhet në njoftimin paraprak të policisë.
