Gjykata e Krimeve të Rënda ka dhënë ditën e sotme masën e sigurisë për 3 të arrestuarit për grabitjen në Rinas.
Gjykata ka dhënë masën arrest me burg për: Saimir Çelën, Oltion Veselin dhe Renaldo Sulën.
Seanca gjyqësore ka zgjatur për rreth 2 orë dhe është zhvilluar me dyer të mbyllura dhe nën masa të forta sigurie.
Prokuroria nuk ka dhënë asnjë informacion lidhur me hetimet duke u treguar shumë hermetike ndaj interesit të lartë të mediave dhe opinionit publik.
Ndërkohë avokati i Oltian Veselit në kohën kur po largohej nga ambienti i Prokurorisë, i është përgjigjur interesit të lartë të gazetarëve duke thënë se është dhënë një vendim nga organi i akuzës për të mos u prononcuar për çështjen.
