Një minator ka humbur jetën dhe një tjetër është plagosur në vendin e punës këtë të mërkurë. Ngjarja ka ndodhur në një minierë në Tërnovë të Bulqizës.
Viktima është identifikuar si Fafil Stojku 50-vjeç, ndërsa i plagosuri si Lejtim Ramçi.
Dyshimet paraprake janë se ngjarja ka ardhur si pasojë e shpërthimit të gazit në minierë.
“Në minierën e kromit në zonën e Tërnovës në Bulqizë, dyshohet se gjatë punës në galeri ka humbur jetën shtetasi F.S, 56 vjeç, dhe është dëmtuar shtetasi L.R, 47 vjeç, i cili po merr ndihmë mjekësore në spital. Grupi hetimor ndodhet në vendngjarje, dhe vijojnë hetimet për dokumentimin e zbardhjen plotë të rrethanave të ngjarjes”, thuhet në njoftimin paraprak të policisë së Dibrës. /bn/
