Është mbyllur në barazim 0-0 gjysmëfinalja e parë e Kupës së Shqipërisë mes Luftëtarit dhe Tiranës, dy skuadra që do të përballen të dielën në kampionat.
Sfidës së zhvilluar në Gjirokastër i ka munguar vetëm goli, duke parë se të dyja skuadrat kanë patur raste për të ndëshkuar njëra-tjetrën, por janë treguar të pasakta në momentin e fundit.
Në minutën e 62-të, vendasit kanë pretenduar për një penallti për shkak të një ndërhyrje të parregullt të Hoxhallarit ndaj Ymerajt, por arbitri Jorgji nuk ka qenë i këtij mendimi.
Për të zbuluar se cila nga këto dy ekipe do të luajë në finalen e Kupës së Shqipërisë do të duhet të presim sfidën e kthimit, që do të luhet 8 majin e ardhshëm në “Selman Stërmasi”.
