Raportuesi për Shqipërinë në Parlamentin Europian, Knut Fleckenstein, ka komentuar vendimin e shumicës në Parlamentin Holandez për të rekomanduar pezullimin e vizave për shqiptarët.
Në një reagim për gazetën “TemA”, eurodeputeti gjerman gjykon se kjo është lëvizje e motivuar politikisht para zgjedhjeve në Parlamentin Europian dhe e mbështetur nga disa politikanë shqiptarë.
“Unë mendoj se kjo është një lëvizje e motivuar politikisht nga parlamenti holandez përpara zgjedhjeve të Parlamentit Europian në maj.
Unë supozoj se mbështetet gjithashtu edhe nga disa politikanë shqiptarë”, shprehet Fleckenstein për “TemA”.
Kujtojmë se dhe kreu i Grupit Parlamentar të PS-së, Taulant Balla deklaroi se propozimi i parlamentit holandez për vendosjen e vizave u bë nga deputetja Van Toorenburg e cila është mikeshë e kryetarit të Partisë Demokratike, Lulzim Bashës.
Por, e kontaktuar nga exit.al deputetja Van Toorenburg e mohoi të kishte njohje me Lulzim Bashën apo me ndonjë politikan tjetër shqiptar: “Unë nuk jam lobiste dhe as nuk i njoh këta persona. Kjo më shumë flet për Shqipërinë se sa për mua. Policia dhe zyra e prokurorisë kërkojnë rikthimin e regjimit të vizave për të patur një panoramë më të mirë për ata që vijnë nga Shqipëria, sepse ata tani përballen vazhdimisht me njerëz që kryejnë krime ose hipin nëpër kamionë, të cilët kur ndalohen thonë se janë thjesht turistë” – u shpreh Van Toorenburg.
Madje edhe gazetari shqiptaro-hollandez Vincent Triest në rrjetet sociale shkruante:
Debati i vizave dhe abuzimi me faktet ne Shqiperi:
Nje nga abuzimet te shumta, qe po digjoj ne debatin per vizat dhe Holanden, eshte qe kemi te bejm me “propozim nga Partia raciste e Geert Wilders.” Ne fakt, motioni ne Parlament nuk eshte bere nga antaret te partise se ekstremistit Wilders, por nga 4 partite kryesore ne vend (Demokristianet, Partia Socialiste, Unioni Kristian dhe Liberalet). Pra, kemi te bejm me nje propozim te 3 nga 4 partite qeverises.
Nje tjeter prove qe nuk kemi te bejm me ekstremizem, eshte qe ate dite u hedh poshte me nje shumice te madhe propozimin qe do bllokonte Kosova te liberalizoj vizat. Ndersa per motionin ne parlamentin Holandez 105 deputet ngriten doren, ndersa per mocionin e Kosoves vetem 48.
Kjo per shkak se ndryshe nga Shqiperia, per Kosoven nuk u dha alarm nga Policia dhe Prokuroria Holandeze.
