Trajtimi i Skoliozës sekondare si pasojë e hernies diskale me metodë mini invazive
Prof. Dr.Kamil Cagri Kose bën mrekulli me shpinën. E fundit që mund ta thotë këtë është M.H. Vajza nga Pogradeci ka rifituar pamjen e saj të mëparshme pas ndërhyrjes kirurgjikale të suksesshme të kryer nga Prof. Dr.Kamil Cagri Kose i Klinikës Ortoshpinë – Orthospine Clinic, në Tiranë.
Deformimi i shtyllës kurrizore në anën e majtë të shpinës i kishte filluar vitin e kaluar duke progresuar dhe i shkaktuar shumë dhembje pacientes. Mjekët me të cilët ishte konsultuar i kishin sugjeruar se problemi i saj gjente zgjidhje vetëm jashtë Shqipërisë, por dikush i kishte folur për një mjek turk që merrte përsipër raste të tilla të komplikuara në Tiranë.
Kur 18-vjeçarja u paraqit në Klinikën Ortoshpinë, shpina e saj ishte tepër e ngurtë, me një deformim të theksuar. “Pas ekzaminimit paraprak konstatova se deformimi ishte atipik ndaj kërkova kryerjen e një Rezonance Magnetike. MRI-ja zbuloi një hernie diskale të kalcifikuar në L3-4, apo segmentin lumbal. I shpjegova pacientes se duhej të operonim vetëm në këtë nivel, sepse besoja se kjo do të korrigjonte deformimin e saj”, tha Prof. Dr. Kamil Cagri Kose.
Trajtimi i Skoliozës sekondare si pasojë e hernies diskale me metodë mini invazive ishte ndërhyrja e kryer me sukses nga kirurgu turk. Kjo metodë përveç rikuperimit në një kohë të shkurtër, krahasuar me atë klasike, ka më pak inflamacion, shenja minimale dhe një periudhë tejet të shkurtër hospitalizimi.
“Gjatë operacionit që zgjati rreth 1 orë e gjysmë, vendosa një mbështetëse titani në pjesën e deformuar të shtyllës kurrizore si dhe hoqa hernien diskale. Pacientes nuk iu dha gjak gjatë ndërhyrjes dhe nuk kishte nevojë për kujdes intensiv më pas. Shpina e saj fitoi menjëherë lëvizshmërinë dhe vajza u largua nga poliklinika një ditë pas operacionit”, sqaroi Prof. Dr. Kamil Cagri Kose.
Disa muaj pas ndërhyrjes, pacientja përdori një protezë për lirimin dhe tërheqjen e muskujve si dhe për të ndihmuar në korrigjimin e deformimit. Në vizitën e saj të radhës të kontrollit, pak ditë më parë në Klinikën Ortoshpinë – Orthospine Clinic, adoleshentja M.H u shfaq krejtësisht e rikuperuar dhe me vetëbesim dhe kjo falë punës së mrekullueshme të Prof. Dr. Kamil Cagri Kose.
Për më shumë informacion ose vizitë me Kirurgun Ortoped Traumatolog Prof. Dr. Kamil Cagri Kose telefononi në numrin 068 6063566
Foto 1 – M.H përpara operacionit
Foto 2 – M.H dy muaj pas ndërhyrjes
Foto 3 – Ekzaminimet imazherike para dhe pas operacionit
