Besir Belja dhe Skender Demiri u dënuan të martën me 19 vjet burg për vrasjen e 20-vjeçarit Nikola Sazdovski. Gjyqtarja Daniela Aleksovska-Stojanovska deklaroi se dy të rinjtë janë shpallur fajtorë për akuzën e vrasjes.
Belja dhe Demiri akuzohen se kanë ushtruar dhunë ndaj Sazdovskit, derisa ky i fundit ka ndërruar jetë. Pavarësisht se mjekët morën në dorë çështjen, ata nuk përcaktuan dot se kush e dha goditjen finale.
Familjarët e të akuzuarve ngritën dyshime se rasti është i politizuar.
Në lidhje me këtë rast kanë reaguar edhe tifogrupi Shvercerat Shkup të cilët janë shprehu:
Sot u dënuan dy djemt tanë me nga 19 vite burg , për diçka që nuk kanë faj , për diçka që nuk e kanë kryer ato “vrasjen” e Sazdovskit me paramendim diçka që ishte krejt ndryshe nga ajo që gjyqi e thotë .
Ne nuk kërkojmë mëshirë, nuk kërkojmë liri, kërkojmë drejtësi për djemtë tanë, kërkojmë gjykim të drejtë.
Gjykimi i sotëm dëshmoi se ende ka pushtet regjimi anti Shqipëtar në shtet dhe vendimet vazhdojnë të jepen nga Beogradi, ky gjykim i sotëm dëshmoi se vazhdojnë me urrejtjet etnike dhe fetare.
Me gjykimin e sotëm ju vetëm e përkeqësoni gjendjen ndër etnike në shtet dhe nuk po e mbroni paqen mes popujve.
Nga sot ne Shvercerat Shkup nuk marrim përgjegjësi për çka do që ndodh në të ardhmen, me gjykimin e sotëm ju dëshmuat se nuk doni shtet stabil , shtet multietnik , shtet me ardhmëri të shëndoshë.
