“Vetëvrasje politike” e ka quajtur kryeministri Edi Rama nënshkrimin e marrëveshjes së PD-së me partitë aleate, për garantimin e zgjedhjeve të lira.
Përmes një reagimi në rrjetet sociale, kreu i qeverisë iu përgjigj edhe “kushtit të panegociueshëm” që shqipëroi kryedemokrati Basha në një deklaratë për gazetarët pas nënshkrimit të marrëveshjes: “Largimi i Ramës dhe krijimi i qeverisë tranzitore që do mundësojë përmes masave zgjedhje të lira e të ndershme ku do diktojë sovrani”.
Por, kryeministri Rama shprehet i vendosur se zgjedhjet lokale do të mbahen më 30 qershor, dita e dekretuar nga Presidenti për mbajtjen e tyre.
“Pas djegies së mandateve, koalicioni kundër zgjedhjeve një tjetër formë e padëgjuar vetëvrasjeje politike! Humbësit kronikë janë peng i dëshpërimit të tyre, po Shqipërinë s’e marrin dot peng. Zgjedhjet as ndalen as shtyhen. Në 30 qershor qytetarët do flasin me votë në çdo bashki”, shkruan Rama në një postim në Twitter. /BN/
Marrëveshja me aleatët/ Basha i prerë: Kush është kushti i panegociueshëm i opozitës….
