Policia e Tiranës ka identifikuar autorët e plagosjes së 28-vejçarit Elson Murataj, pasditen e djeshme në Fushë-Mëzez, Kashar. Mahmut Gega 26 vjeç, banues në Tiranë, mësohet se është shpallur në kërkim për veprën penale “Vrasje me dashje e mbetur në tentativë”. Ndërkohë, efektivët e komisariatit nr.6 shpallën në kërkim dhe dy të tjerë për veprën penale “Përkrahje e autorit në krim”.
Atentati
Pasditen e djeshme në Fushë Mëzez, Gega akuzohet se ka qëlluar me armë zjarri në drejtim të shtetasit Muratajt, i cili mbeti i plagosur dhe ndodhet në spital jashtë rrezikut për jetën.
Ngjarja ka ndodhur në verandën e një restoranti ku kishte shkuar Elson Murataj. Aty, shkuan me makinë edhe Mahmut Gega i shoqëruar nga dy persona të tjerë, tashmë në kërkim. Gega ka zbritur nga makina dhe ka qëlluar me armë zjarri Muratajn.
Nga veprimet hetimore të kryera rezulton se në mjetin që drejtonte autori i dyshuar Mahmut Gega, ndodheshin dhe shtetasit A.M., 29 vjeç dhe F.Gj., 35 vjeç, ndaj edhe janë shpallur në kërkim për veprën penale “Përkrahje e autorit në krim”.
Konflikti mes palëve ka misur për motive të dobëta, bënë me dije burime policore.
Materialet iu referuan për veprime të mëtejshme Prokurorisë së Rrethit Gjyqësor Tiranë, njoftoi Policia. /Boldnews.al/
