Unë quhem Shkëlzen Baçi dhe kam nje kohë tepër të gjatë që jam pjesë e Partisë Demokratike. I mbaj mend fillimet e mia që kur isha në gjimnaz dhe me pas student në Universitetin Bujqësor Tiranë , e vendosa të bëhesha pjesë e Forumit Rinor të Partisë Demokratike.
Me anë të përkushtimit arrita të përzgjidhesha kryetar i FRPD në UBT , kohë më vonë dhe kryetari i FRPD (dega 13) .
Pavarësisht postit që mbaja , nuk rreshta kurrë së kontribuari në këtë parti (jo vetëm në zonën time) , dhe këtë gjë e bëja plot pasion dhe dëshirë .
Parashtrova vetëm disa pika nga eksperienca ime në Partinë Demokratike , thjeshtë për të thënë qe jam dikush që ka kontribuar dhe ka qënë pjesë e kësaj partie ndër vite , e prap nuk hoqa dorë kurrë e as nuk shkela mbi të mirat dhe mundësitë që kjo parti më ka dhënë mua dhe e gjithë shqiptarëve.
Kohët e fundit në strukturat e kësaj partie u bënë pjesë individë që emri po ju lakohej vetëm ato kohë , e u lanë menjëanë ata individë që përpos kontributit ndër vite , akoma vazhdojnë të bëjnë të njëjtën gjë.
Emërimi dhe posti i këtyre individëve ka qënë i pamerituar në krahasim me kontributin e individëve të tjerë që sot nuk mbajnë asnjë post por nuk heqin dorë nga kjo parti.
Largimi i menjëhershëm i këtyre individëve nga partia, për disa mund të jetë e habitshme, por e vërteta qëndron tek fakti që ata asnjëherë nuk ishin pjesë e kësaj familje.
Kam qënë gjithmonë kritik për emërimin e këtyre individëve , jo vetëm unë por dhe shumë të tjerë bashkë me mua.
Këta persona thjeshtë morën një post, ashtu pa kuptuar , e njësoj siç e morën ashtu edhe e lëshuan.
Hodhën poshtë çdo të mirë që ju ofrua për tu bërë vegël e piktorit, duke pranuar mandatet.
Por e gjithë kjo situatë, nuk e ul e as nuk e dëmton Partinë Demokratike, thjeshtë është një gabim me një mësim të vlefshëm : që në përzgjedhjet e ardhshme të vendosen emra që vërtet kanë kontribuar dhe e meritojnë atë post.
Nuk kemi pse të zgjedhim individë që vijnë nga një familje me emër apo servil, por individë të thjeshtë që do bënin cdo gjë për të mirën e partisë nëse do kishin një post në duar .
