Grabitja në Rinas, në kërkim edhe vëllai i krahut të djathtë të Muratajt

I riu që shihni në foto është Eldi Çala i cili është në kërkim nga policia për grabitjen në aeroportin e Rinasit. Në servisin e tij dyshohet se u modifikua furgoni i grabitjes me mbishkrimin “Hetimi Tatimor”. Ky i fundit sipas burimeve, u shoqërua dje në polici, dhe pasi është marrë në pyetje është lënë i lirë.

Lexo edhe: Publikohen FOTOT/ Ja kush janë të arrestuarit për grabitjen e Rinasit

Mbetet mister fakti pse u lirua pas shoqërimit dhe sot është shpallur sërish në kërkim. Eldi Çala është vëllai i Klement Çalës, person në kërkim dhe i dyshuar të ketë qenë krahu i djathtë i Admir Muratajt. Të dy së bashku, ata janë autorë të disa grabitjeve të mëparshme në Greqi dhe në Shqipëri.

/Report Tv/