Kryetari i Partisë Demokratike, Lulzim Basha, ka zhvilluar ditën e sotme një takim me kryetarët e bashkive të djathta në të gjithë vendin. Burime thanë se takimi ka filluar rreth orës 14:15 dhe është zhvilluar në selinë blu. Të njëjtat burime bëjnë me dije se takimi është zhvilluar për rreth 1 orë e 30 minuta, ku është folur për aksionin e opozitës, si dhe për protestën e radhës në Tiranë, e cila është vendosur të mbahet më 11 maj në 18:30.
Kujtojmë se zëra brenda Partisë Demokratike, përfshirë edhe vetë ish-kryeministrin Sali Berisha, kanë paralajmëruar përshkallëzim të situatës edhe në Bashkitë e djathta.
Opozita deri tani ka zhvilluar 9 protesta, 3 prej tyre kombëtare dhe 6 të tjera më të vogla. Opozita e bashkuar kërkon largimin e Ramës si Kryeministër dhe hapjen rrugë për zgjehje të parakohshme, të cilat të jenë të lira dhe të ndershme. Basha në një dalje për mediat është shprehur se nuk do të ketë dialog me Partinë Socialiste nëse nuk largohet Rama nga posti i Kryeministrit.
*Basha mbledh Këshillin e Kryetarëve: Me Ramën, Dakon e Gjiknurin s’mund të ketë…
*Strategjia/ Bllokimi i zgjedhjeve të 30 qershorit, ja një nga skenarët që mund të aplikohet…
*Mblidhet PD, ja kur do të zhvillohet protesta tjetër masive
