Në datën 5 prill u bë virale një video e Saimir Tahirit i cili së bashku me Eneda Tarifën po këndonin në një lokal nate në Tiranë.
Ditën e djeshme Eneda Tarifa ka qenë e ftuar në “Pop Culture” ku u shpreh e habitur pse ajo video duhet të bëhej virale.
“Nuk e kuptoj pse ajo video ku këndoja me Saimir Tahirin u bë aq virale. Edhe Saimiri si çdo person tjetër ka të drejtën të bëjë qejf.”
Në vijim, moderatorja e “Top Talent 2”, që së shpejti do të transmetohet në ekranin e “Top Channel”, pohoi gjatë intervistës së sotme se nëse nuk do të ishte politikan, Tahiri do ishte një super këngëtar: “Ka një vesh të mirë muzikor, e njeh muzikën. Mund t’i bëjë fare mirë edhe back vokalet.”
