“The Mister” libri i dytë i El James, autores së trilogjisë “Fifty Shades” është përcjellë me kritika të shumta në lidhje me atë që trajton në brendësi.
Kritikuesi më i ashpër ka qenë ambasadori shqiptar në Britaninë e Madhe, Qirjako Qirko, i cili ka kundërshtuar hapur mënyrën se si personifikoheshin shqiptarët në librin e James.
Libri “The Mister” flet për një aristokrat britanik dhe pastruesja e tij e varfër që është viktimë e trafikimit seksual. Pastruesja Alessia Demachi u fut në mënyrë ilegale në Britani nga gangsterët e vendit të saj, Shqipërisë, thuhet në libër dhe ishte pikërisht kjo që nuk i pëlqeu Qirkos.
Romani vijon më tej teksa pastruesja u dërgua në një fshat nga i fejuari i saj, i cili karakterizohet si një bandit i dhunshëm në libër, me dëshirën për ta bërë një grua tradicionale shqiptare. Pikërisht me këtë personazh, Alessia detyrohet që të fejohet nga ana e babait.
E gjithë kjo histori, Qirkos nuk i ka lënë shije të mirë teksa ka kritikuar hapur romanin.
Ai është shprehur për “The Telegraph”:
Më vjen keq që ekziston një roman me këtë informacion që krijon perceptime të tilla negative për vendin tim. Realiteti është krejtësisht i ndryshëm. Shqiptarët janë njerëzit më të mirë që do takoni në jetën tuaj, sigurisht, më miqësore. Vitin e kaluar numri i turistëve u rrit me 32% krahasuar me vitin e kaluar.”
Qirko tha se ishte pikëlluar kur mësoi se personazhet shqiptare janë ose autorë ose viktima të krimit.
Ai shtoi:
Ka një komunitet prej 120,000 shqiptarësh në Britani të Madhe, kryesisht në Londër. Në një komunitet kaq të madh, natyrisht ka disa njerëz që kryejnë krime. Por ata janë vetëm disa individë.”
