Këngëtaret shqiptare vitet e fundit po pushtojnë skenat ndërkombëtare. Kjo nuk ndodh vetëm me emrat e njohur Rita Ora, Dua Lipa apo Ava Max, por edhe me Era Istrefin ndodhi e njëjta gjë.
Tre vite më parë, Era publikoi këngën e saj ‘Bon Bon’, që u kthye menjëherë në hit dhe mund ta dëgjoje kudo, në çdo vend të botës. Sot kënga ka plot 658,813,577 klikime në Youtube dhe ende dëgjohet në vende ku muzika ritmike dhe e mirë pëlqehet.
Kënga ende sot kërcehet në studiot e kërcimit, në disco, club nate, video me tutorial të ndryshme etj.
Në këtë rast ‘Bon Bon’ i kaloi kufijtë edhe këtë herë, ‘Prive’ ka shpërndarë në Instagram një video, një pjesë nga filmi amerikan ‘Dynasty’, ku një sekuencë e shkurtër në film luhet kënga e Era Istrefit.
