Është kthyer në një traditë tashmë përshëndetja e kryeministrit Edi Rama me videot e tij çdo mëngjes duke publikuar një nga rastet ku qytetarët i drejtohen platformës bashkëqeverisëse.
Por, thuajse të gjitha rastet që publikohen në ERTV janë të pabesueshme dhe shumë prej qytetarëve mendojnë se bëhet fjalë vetëm për personat që janë pjesë e PS apo militantët të kësaj partie.
Në video, shfaqet një qytetar i cili është ankuar për mbifaturim të faturës së energjisë, por ka gjetur zgjidhje te portali “Shqipëriaqëduam.al.”
“Mirëmëngjes dhe me rastin e Viktorit nga Shkodra, që pavarësisht pengesave të burokracisë nuk i’u dorëzua mërzisë, por i’u drejtua platformës shqiperiaqeduam.al duke fituar të drejtën e penguar, ju uroj një fundjavë të mbarë”-shkruan Rama në postimin e tij.
Ndërkohë, shumë komentues kanë ironizuar postimin e Ramës duke i kujtuar të gjitha aferat korruptive dhe vjedhjet që janë bërë gjatë qeverisjes së tij.
“Mirëmëngjes, hajdut, mashtrues”-shkruan një qytetar.
“A fuksionon platforma e qeverrisjes ??? Kam shkruar 3 herë per nje problem me zrpp Durres per nje alabak Leonard Kadrimi qe ka 3 vjet qe na sorollat e nuk kam marre pergjigje.”
