I mrekulluar nga moti dhe pamjet piktoreske që ofrojnë disa zona në të cilat derdhen ujërat e kanalizimeve në Lungomaren Paradiso (Augusta, Siçili) në Itali, i riu shqiptar mund të mos e ketë menduar dy herë dhe është zhveshur menjëherë për tu futur në ujë.
Ngjarja ka ndodhur gjatë orëve të para të pasdites së sotme, teksa i riu është vënë re jo vetëm nga kalimtarët e rastit por edhe nga disa banorë të zonës aty përreth.
Sapo është hasur duke u larë në ujëra të panotueshëm, shumë pranë zonës ku bëhet edhe shkarkimi i kanalizimeve, banorët kanë lajmëruar menjëherë policinë. Sipas mediave italiane, policia ka shoqëruar të riun me origjinë shqiptare për në polici nga u kanë vërtetuar edhe faktin se ai ishte pa leje qëndrimi.
Duke marrë shkak edhe nga informacionet që u zbuluan gjatë qëndrimit në polici, autoritetet urdhëruan kthimin e tij në Shqipëri si dhe iu dha ekspuls pasi nuk kishte asnjë dokumentacion të rregullt për qëndrimin në shtetin fqinj. /bn/
