Eliminimi i parakohshëm i Juventusit në Champions League ka shtuar shumë zërat për disa lëvizje të mundshme gjatë merkatos së verës.
Kohët e fundit është përfolur se drejtues të “Zonjës së Vjetër” po mendojnë të transferojnë sulmuesin e Interit, Mauro Icardin.
Sipas Tuttosport, Juventusi është i interesuar për Icardin dhe për të arritur te ai mund ta përfshijë në marrëveshje edhe Paulo Dybalan që do të shkonte në drejtim të kundërt.
Dybala këtë sezon nuk ka qenë në lartësinë e duhur në Torino, pasi ardhja e Cristiano Ronaldos siç duket nuk ka ndikuar mirë tek ai.
Vera pritet të jetë e nxehtë për Juventusin që po bëhet gati për shkëmbimin e bujshëm Dybala-Icardi ku si pjesë e marrëveshjes mund të detyrojë “Zonjën e Vjetër” që të derdhë edhe disa miliona euro.
