Regjistrohet kandidatura e parë për Prokuror të Përgjithshëm. Prokurori Olsian Çela mësohet se dorëzuar dokumentet e aplikimit në Këshillin e Lartë të Prokurorisë. Procesi i aplikimit përfundon në 29 Prill.
Procedura
Pas dorëzimit të kandidaturave, KLP do të kryejë verifikimin paraprak për plotësimin e kritereve ligjore dhe më pas do të bëjë edhe vlerësimin e tyre me pikë. Në bazë të Kushtetutës dhe ligjit të posaçëm, KLP i propozon parlamentit të Shqipërisë 3 kandidatura për Prokurorë të Përgjithshëm. Parlamenti zgjedh me 84 vota prokurorin e Përgjithshëm me mandat të plotë.
Nëse asnjë prej kandidatëve nuk i siguron 84 vota në parlament, atëherë Prokuror i Përgjithshëm zgjidhet ai që është renditur i pari nga Këshilli i Lartë i prokurorisë. /Bolnews.al/
