Ish-kryeministri Sali Berisha shprehet se ministri i Brendshëm Sandër Lleshaj gënjen kur thotë se policia u njoftua me vonesë nga kompania koncesionare e sigurisë në Rinas, lidhur e grabitjen e 9 prillit.
Denoncimin publik, Berisha e bën në një status në faqen e tij në Facebook, ku tregon se i referohet një mesazhi ardhur në adresë të tij.
“Denoncohet mashtrimi i Vasal Kimikut!
Narko policia u njoftua qe ne minuten e pare te fillimit te vjedhjes shteterore te shekullit. sb
Pershendetje dr eshte mashtrim ajo qe thot Sander Lleshaj per vonimin e njoftimit te policise per grabitesit ne aeroportin e Rinasit .E verteta eshte se kinezet kane lajmeruar policine brenda 1 minuti kjo esht 100% e sigurte dhe ata disponjone prova te sigurta per kete.ju lutem anonim”, lexohet në statusin e ish-kryeministrit.
Një ditë më parë, nga foltorja e parlamentit, Lleshaj tha se “operatori privat i ngarkuar me sigurinë e aeroportit, ka njoftuar 5 minuta e 21 sekonda më vonë Policinë e Shtetit, pasi policia kishte marrë ndërkohë në rrugë të treta njoftimin për ndodhjen e ngjarjes dhe për cenimin e sigurisë.”
“Ndërkohë që në mënyrë zyrtare kompania e ruajtjes së aeroportit ka njoftuar sallën operative të Komisariatit Rinas 6 minuta e 30 sekonda më vonë nga fillimi i ngjarjes”, shtoi Lleshaj. /BN/
