Një zjarr ra në xhaminë Al-Aqsa, në Jeruzalem, në të njëjtën kohë që katedralja Notre Dame e Parisit digjej. Pamjet e publikuara në Twitter tregonin tym e zjarr që dilte nga çatia e dhomës së faljes.
Sipas zëdhënësit të policisë izraelite, Micky Rosenfeld, zjarrfikësit shkuan me shpejtësi në vendngjarje dhe arritën t’i vinin flakët nën kontroll brenda pak minutave. Si pasojë e zjarrit nuk pati të lënduar, apo dëme në strukturën e xhamisë.
Policia atje po heton shkaqet e ngjarjes, por ka dyshime se ai mund të jetë shkaktuar nga fëmijët që po luanin rreth e rrotull xhamisë.
Al-Aqsa, e njohur për hebrenjtë si Mali i Tempullit, është vendi i tretë më i shenjtë i Islamit dhe në qendër të konfliktit të vazhdueshëm arabo-izraelit.
Megjithatë, ky incident mbeti në hije për shkak të zjarrit masiv që përfshiu katedralen e Notre Dame, në të njëjtën kohë.
https://twitter.com/eshragh25/status/1118094913063858183?ref_src=twsrc%5Etfw%7Ctwcamp%5Etweetembed%7Ctwterm%5E1118094913063858183&ref_url=https%3A%2F%2Ftvklan.al%2Fxhamia-e-shenjte-u-perfshi-nga-flaket-ne-te-njejten-kohe-me-notre-dame%2F
