Policia e Tiranës njoftoi të mërkurën më parë se kishte kapur rreth 111 kg hasahs cokollate me një vlerë shitje në treg prej 240 mijë eurosh dhe kishte arrestuar 3 persona.
“Sos news” ka publikuar dhe fotot e të arrestuarve që dyshohet të jenë të përfshirë në prodhim dhe shitje narkotikësh të kryer në bashkëpunim.
Si rezultat i operacionit të koduar “Cokollata” mbrapa “Casa Italias” në Tiranë, u kapën dhe u arrestuan në flagrancë shtetasit:
Ilir Gerdani, 57 vjeç, lindur në Shkodër, banues në Tiranë
Enklibert Kadillari, 37 vjeç, lindur ne Corovode, banues në Tiranë
Mentor Leka 33 vjeç, lindur në Dibër, banues në Tiranë
Me një treg të mirëorganizuar dhe tashmë në rolin e grositëve kryesor të hashashit çokollatë në në kryeqytet, tre personat kryesor ranë në prangat e policisë së kryeqytetit këtë martë (16 prill ).
Ata po tentonin ta shisnin drogë tek një blerës i cili kishte porositur më shumë se 100 kg hashash çokollatë.
” Shtetasi Ilir Gerdani, që drejtonte automjetin “Citroen”, bënte lëvizje të dyshimta në rrugën “Pavarësia” mbrapa qëndres tregtare “Casa Italia”, duke shoqëruar automjetin tjetër “Mercedez – Benz”, me drejtues shtetasin Enklibert Kadillari dhe pasagjer shtetasin Mentor Leka, ku dyshohej se këta të fundit kishin në automjetin e tyre lëndën narkotike.”– deklaroi policia.
Ata po prisnin që të shkëmbenin mallin me paratë në momentin kur janë goditur nga nga Seksioni për Hetimin e Narkotikëve në Drejtorinë Vendore të Policisë Tiranë.
Duke qenë në kushtet dhe në dyshimin e arsyeshëm, se personat në fjalë po përgatiteshin të shisnin lëndën narkotike tek persona ende të paidentifikuar, si dhe në bazë të veprimeve të dyshimta që po kryenin, është ndërhyrë menjëherë nga Policia, dhe pasi është ndaluar mjeti “Mercedez – Benz” me drejtues shtetasin Enklibert Kadillari dhe pasagjer shtetasin Mentor Leka janë gjetur në bagazhin e këtij mjeti 4 thasë, ku brenda tyre kishte lëndë të dyshuar si “cannabis sativa”, të presuar në formë çokollate.
Gjithashtu gjatë operacionit rreth 50 m larg automjetit të parë, është ndaluar dhe automjeti tip “Citroen”, me drejtues shtetasin Ilir Gerdani
Vlera e parave që do merrnin për drogën ishte rreth 55 mijë euro me një vlerë prej 500 eurosh për kg.
Policia njoftoi se arriti ti kapte në bagazhin e mjetit tip mercedes benz rreth 111 kg cokollatë hashashi.
Në informacionet policore bëhet me dije se droga kishte më pas si qëllim trafikim drejt vendeve evropiane ku do shitej për vlerën nga 2000 deri në 2500 euro për kg me një vlerë totale të përafërt rreth 240 mijë euro.
