Ish-ministri Ylli Manjani, ka reaguar sërish lidhur me sistemin e drejtësisë dhe procesin e Vettingut, të cilët sipas tij janë duke mbajtur peng gjithë vendin.
“Aktualisht, vendi është pa Gjykatë Kushtetuese, pa Gjykatë të Lartë funksionale, me gjykata të trembura dhe me prokurori të gjithën nën hyqmin e qeverisë. Pra e bënë si deshën dhe tani bëjnë ç’të duan. Ky është fakt i dukshëm tashmë.
Sundimi i ligjit është qartësisht i zëvendësuar me sundimin e pushtetit!” vijon më tej ish ministri në reagimin e tij, i cili nuk kursen as qëndrimin e ambasadorëve.
“Duhen “falenderuar” edhe ata ambasadorë që ende vijojnë të mbështesin këtë drejtësi, që nuk garanton më as liritë themelore të Shqiptarëve. Ndërkohë shtetet nga këto ambasadorë vijnë po diskutojnë të na vendosin viza…U desh kjo reformë që të na rikthehet Izolimi dhe terrori i shtetit politik…” përfundon Manjani.
