Trajneri i kombëtares Edy Reja ka nisur punën ku ka zhvilluar një takim në amjentet e Federatës së Futbollit.
Tekniku italian ka biseduar me stafin e kombëtares, Ervin Bulkun dhe Sulejman Memën, si edhe me drejtuesit e moshave, Alban Bushi, Nevil Dede, Armand Dama dhe Dritan Babamusta.
Në stafin teknik të ish trajnerit të Napolit do të jetë pjesë edhe ish sulmuesi i kombëtares dhe Skëndërbeut Hamdi Salihi.
Në të gjithë këtë kohë është diskutuar mbi lojtarët, të dhënat e tyre, analizimi i minutave të luajtura dhe kilomentrave që kanë vrapuar në skuadrat e tyre nëpër Europë.
Në përgatitje të dy ndeshjeve të Qershoriit, trajneri ka kërkuar që lojtarëve që përfundojnë më herët kampionatet e tyre, t’u jepet një plan i specifikuar stërvitor. Ergys Kaçe, Basha dhe Mihaj janë të parët që do të marrin detyrat nga trajneri i ri.
Gjatë konferencës për shtyp ku u bë prezantimi i italiani, ai tha se nuk do të ndryshojë shumë stilin e lojës të ekipit kuqezi, por do të punojë më shumë për të njohur lojtarët.
Ndërkohë që nuk premtoi asgjë të madhe, pranoi se kombëtarja e Shqipërisë i ka shnsët për t’u kualifikuar në Euro 2020.
