Finalizohet operacioni policor i koduar “Helshan” në Kukës, ku u arrestua një person i shpallur në kërkim pasi ndaj tij rëndon një dënim me 10 vite burg.
“Specialistët e Sektorit për Hetimin e Krimit, në DVP Kukës, pas informacioneve të marra në rrugë operative, në bashkëpunim me Patrullën e Përgjithshme të Komisariatit të Policisë Has organizuan dhe finalizuan me sukses operacionin policor të koduar ‘Helsha’”, ku si rezultat u bë e mundur kapja e një shtetasi të shpallur në kërkim dhe konkretisht; Arif Çela, vjeç 53, banues në fshatin Helshan, Has”, bënë me dije burime zyrtare nga policia.
Ndaj tij, Gjykata e Apelit të Krimeve të Rënda Tiranë, më 15 prill 2019 ka lënë në fuqi Vendimin Penal të Gjykatës së Shkallës së Parë për Krime të Rënda Tiranë, e cila e ka dënuar me 10 vite burg, për veprën penale “Trafikimi i lëndëve narkotike, kryer në bashkëpunim”, sqaruan të njëjtat burime.
