Mungesa e lirisë së medias, dhuna ndaj qytetarëve dhe krimi i organizuar kanë qenë motoja e qeverisë rilindase gjatë këtyre viteve.
Prej 6 vitesh i ofrojnë shqiptarëve dhe mediave ‘ushqimin’ që duan ata, dhe kanë luftuar pamëshirë çdo gazetar dhe media të lirë të këtij vendi.
Ndërkohë që ditën e sotme, policia e Veliajt dhe ajo e Lleshit, kanë ndaluar gazetarit Artur Çani që të kryejë detyrën e tij dhe të përçojë tek qytetarët fytyrën e vërtetë të rilindjes dhe lali Erit.
Gazetari Çani u ndalua nga policia e Veliajt fillimisht dhe më pas nga ajo e Lleshit, vetëm pse nxorri telefonin dhe po filmonte ‘shoën’ e radhës së Lalit tek kodrat e Liqenit artificial.
Siç dëgjohet edhe në videon e mëposhtme, efektivët e Policisë së shtetit, nuk janë në gjendje t’i japin asnjë lloj shpjegimi gazetarit Çani ndërsa ai i pyet se përse e ndaluan dhe pse nuk duhet të filmojë.
Në video policët deklarojnë se janë në krye të detyrës, ndërkohë që i mohojnë të kryejë detyrën në gazetari.
Ndërkohë policët dëgjohen gjatë gjithë kohës që të flasin në telefon me eprorin e tyre, ku i komunikojnë ngjarjen.
Por mesa duket edhe eprori i tyre, pak njohuri ka mbi ligjin dhe lirinë e medias, pasi edhe pse policët i thonë gjatë gjithë kohës që personi i ndalur është prezantuar si gazetar dhe ka qenë duke filmuar një aktivitet të Lalit, ai nuk merr asnjë vendim, apo të urdhëronte efektivët që të linin të lirë gazetarin Çani.
Ndërkohë që edhe në protestën e fundit të opozitës u ushtrua dhunë ndaj gazetarëve, lidhur me këtë ngjarje reaguan edhe organizatat ndërkombëtare të media së lirë, të cilët dënuan ashpër sjelljen e policisë.
Pra përfundimisht në Shqipëri De Facto është instaluar diktatura, pasi edhe mjeti i fundit që kishin në dorë shqiptarët fjala e lirë, tani dënohet nga policia dhe Rilindasit, edhe pse jo ende me ligj. /Boldnews.
Debati mes gazetarit dhe policëve:
Çani: Hajde të më kap njëri aty?
Policja duke folur në telefon: Ishte një incident i vogël tek kryetari, e kapën dy civila i thamë a do bëni kallëzim ata thanë jo.
Policja kthehet nga gazetari: O zotëri ka mundësi që të mos më filmo me telefon
Çani: Sa të dua.
Policja: Të lutem mos të dil para fytyrës.
Çani: Nuk dua, do të marr sa herë të dua unë.
Polici tjetër: Zotëri të lutem shumë ka mundësi ta heqësh atë?
Çani: Jo. Ma thuaj ku e ke të ndaluar.
Polici: Të lutem se do të shoqërojë në komisariat.
Çani: Në vend më shoqëro, por më thuaj pse?
Polici: Mos filmo se jam në krye të detyrës.
