Ndonëse kryeministri Edi Rama ka deklaruar se nuk do të lejohen ndërtime e betonizime në në Spille, kjo si duket nuk vlen për të gjitha rastet.
Dosja.al, ka siguruar disa pamje sesi tjetërsimi i plazhit në zonën e Spillesë në Kavajë vijon.
Banorët e zonës bëjnë me dije se pas kësaj ngjarjeje fshihet biznesmeni Brahush Biba, pronari i firmës “Biba X”, e cila u shpall fituese për ndërtimin e lotit të parë të “Unazës së Madhe” në zonën e “Astirit”.
Sipas banorëve, Brahush Biba deri më tani ka shkulur 200 pisha të cilat i ka groposur nën dhe, duke krijuar hapësirë për lokalin e tij “Sunshine”. Biba vijon çdo ditë sipas banorëve të punojë i pashqetësuar, ndonëse policia pyjore ka mbajtur disa procesverbale.
Banorët thonë se deri më tani janë përvetësuar nga Brahush Biba mbi 10 dynym tokë publike edhe pse lejen e ka vetëm për 60 metra katrorë./Dosja.al
