Tre shtetas shqiptarë janë ekstraduar nga Interpol Tirana brenda 24 orëve, të cilët ishin shpallur në kërkim ndërkombëtarë për vepra të ndryshme penale, njoftuan këtë të mërkurë burime zyrtare nga policia.
U ekstradua 49-vjeçari Ilir Kapllanaj, banues në Fier, i cili ishte shpallur në kërkim ndërkombëtarë, pasi ishte dënuar me 23 vite burg për vrasje me paramendim.
Albano Kapllanaj, në bashkëpunim me Ilir Kapllanaj me datë 25 shkurt të vitit 2000, në Patos të Fierit, kanë vrarë me armë zjarri Gramoz Likan. Ngjarja ka ndodhur pasi viktima Gramoz Lika në vitin 1999 kishte vrarë me armë zjarri Artur Izet Kapllanaj, vëllain e Albano dhe Ilir Kapllanaj.
Janë ekstraduar gjithashtu edhe një 28-vjeçar me inicialet G.L., banues në Tropojë dhe R. R., 54 vjeç, banues në Vlorë.
28-vjeçari ishte shpallur në kërkim ndërkombëtarë, pasi rezulton i dënuar me 1 vit e 4 muaj muaj burg për kundërshtim të policisë, ai është dënuar më vonë edhe me katër vite të tjera burg për vjedhje, ndërsa 54-vjeçari ishte shpallur në kërkim ndërkombëtarë për kultivim të bimëve narkotike.
Njoftimi i policisë
Brenda 24 orëve të fundit nga Interpol Tirana ekstradohen tre shtetas shqiptarë për vepra të ndryshme penale.
-Si rezultat i bashkëpunimit të Interpol Tirana me Interpol Ëiesbaden, u bë i mundur arrestimi dhe ekstradimi nga Gjermania drejt vendit tonë i të dënuarit, shtetasit shqiptar, Ilir Kapllanaj, 49 vjeç, banues në Fier.
Ky shtetas ishte i shpallur në kërkim ndërkombëtar, pasi Gjykata e Rrethit Gjyqësor e ka dënuar me 23 vjet burg për veprën penale, “Vrasje me paramendim kryer në bashkëpunim “.
Ky shtetas, në bashkëpunim me 3 shtetas të tjerë, në 25 Shkurt 2000, kanë vrarë me armë zjarri shtetasin G.L, banues në Patos.
-Po si rezultat i bashkëpunimit të Interpol Tiranës me Interpol Romën, u bë i mundur arrestimi në Itali, duke u finalizuar me ekstradimin drejt vendit tonë i shtetasit G.L, 28 vjeç, banues në Tropojë.
Shtetasi G.L, ishte shpallur në kërkim ndërkombëtar pasi Gjykata e Rrethit Gjyqësor Tiranë e ka dënuar këtë shtetas me 1 vit e 4 muaj muaj burg për veprën penale “Kundërshtim i punonjësit të policisë së rendit publik, duke ushtruar dhunë fizike, kryer në bashkëpunim”. Po këtë shtetas Gjykata e Rrethit Gjyqësor Tiranë e ka dënuar shtetasin G.L , me 4 vjet burg, për veprën penale “Vjedhje, e kryer në bashkëpunim”.
-Gjithashtu falë bashkëpunimit të Interpol Tirana me Interpol Romën/Itali, u bë i mundur arrestimi në Itali, duke u finalizuar me ekstradimin drejt vendit tonë, i shtetasit R. R., 54 vjeç, banues në Vlorë. Shtetasi R. R. ishte i shpallur në kërkim ndërkombëtar nga Z.Q.K Interpol Tirana, pasi Gjykata e Shkallës së Parë për Krimet e Rënda Tiranë, ka vendosur masën e sigurisë arrest me burg për veprën penale “Grupit të Strukturuar Kriminal” dhe “Kultivimit të bimëve narkotike”.
