“Ka ende fëmijë teveqelë që i bëjnë rezistencë ndryshimit”. Pas dhunës së efektivëve të policisë së Bashkisë Tiranë, Erion Veliaj zgjedh të dhunojë me këto fjalë banorët te “Bregu i Lumit”, të cilët protestojnë në mbrojte të banesave të tyre.
Nga një aktivitet në kryeqytet këtë mërkurë, Veliaj u shpreh: “Teksa flasim, po ecim me punimet per tek piazza e fundit e Bulevardit të Ri, por ka ende fëmijë teveqelë e te llastuar politikanesh dhe të fortësh të politikës shqiptare, që i bëjnë rezistencë ndryshimit, por ndryshimi do vijë”.
Dhuna e policisë
Mëngjesin e kësaj të mërkure, forca të shumta të policisë bashkiake dhe të Policisë së Shtetit, zbarkuan te “Bregu i Lumit” në kryeqytet, në mbështetje të INUK, që shembi disa nga banesat në këtë zonë. Efektivët e policisë ushtruan dhunë ndaj banorëve duke i shtyrë, goditur, e moslejuar të futeshin banesat e tyre.
Në media u publikuan pamjet kur një efektiv policie goditi me shpullë një zonjë me patericë.
Një tjetër pamje e pushtetit të dhunshëm ishte ajo e dorës së një efektivi të policisë bashkike, e mbërthyer në fytin e ish-deputetit të PD-së Klevis Balliu.
Kjo është hera e dytë që brenda pak ditësh, policia ushtron terron te banorët e “Bregut të Lumit”. Ndryshe nga 9 prilli, e vetja ‘arritje’, siç raportoi një gazetare nga terreni në lidhjen drejtpërdrejtë në një kanal televiziv ishte se, “sot, policia nuk përdori gaz lotsjellës” ndaj grave dhe fëmijëve. /Boldnews.al/
