Dy ditë pas rënies së zjarrit në Katedralen e Notre Dame ka bërë që të gjithë të fillojnë të bëjnë bilancet. Ndër humbjet nga zjarri kanë qënë edhe disa “banorë” të Katedrales.
Bëhet fjalë për 700 koshere bletësh që mbaheshin në çatinë e katedrales që prej vitit 2013. Nga zjarri i rënë dy ditë më parë nuk ka shpëtuar asnjë.
Por bletët nuk u vendosën atje rastësisht. Kosheret u vendosën për të dhënë mesazhin e një përpjekjeje të madhe për të mbrojtur biodiversitetin dhe për të parandaluar rrezikun e zhdukjes së bletëve.
Më 15 prill Katedralja e Notre Dame u përfshi nga një zjarr që dyshohet se e kishte zanafillën nga një papafingo. Dyshohet se zjarri ka nisur nga një pakujdesi e punëtorëve që po merreshin me restaurimin e katedrales. Megjithatë sipas zyrtarëve zjarri nuk ka qënë i qëllishëm. Edhe pse përmasat e tij kanë qënë të mëdha, nga Katedralja kanë shpëtuar dy kupollat dhe fasada. Presidenti Emmanuel Macron ka premtuar rikonstruksionin e saj duke kërkuar edhe denonacione. Dy prej biznesmenëve më të fuqishëm francez kanë ofruar 200 milionë euro. Kohët e fundit, Katedraleja po i nënshtrohej një rikonstruksioni që kushton 11 milionë dollarë ndërsa punimet e rinovimit pritet të përfundojnë rreth vitit 2022.
