Kryebashkiaku i Tiranës, Erion Veliaj dhe ministrja e Arsimit, Besa Shahini kanë prezantuar kartat e studentit të premtuara në “Paktin për Universitetin.”
Gjatë prezantimit të Kartës, Veliaj nuk ka lënë pa përmendur edhe debatin e ditëve të fundit të nisura nga pezullimi i rektorit të UT, Mynyr Konit.
“Të shohësh si shumë rekotorë nuk flasin me gjysmën e dekanatit për tenderin e rojes. Dhe gjëja e parë që kanë bërë është që kanë rregulluar zyrën më vjen shumë keq por ky është një zhgënjim shumë i madh. Me u zgjedh edhe pastaj me ndejt këmbëkryq ka diçka që nuk shkon këtu. Kur të merrni përgjegjësi duhet ta ndani mendjen. Teksa po vija këtu po më shkruante dikush se një i çmendur po vandalizonte pllaka varri në Tufinë. Tani kur e merr diçka përsipër o do ta bësh, o jo. Siç thoshte edhe gjyshja ime kur ulesha në uturak: O bëje, o çohu! Ose siç thotë edhe Besa: Next please!”
