Katedralja e Notre Dame, simboli i kryeqytetit francez Paris, është në flakë.
Lajmi është konfirmuar nga ekipet e zjarrfikës lokale si dhe është dëshmuar nga përdorues të ndryshëm në mediat sociale.
Mbetet ende e paqartë se çfarë ka ndodhur.
Nga videot e postuara në Twitter, shihen shtëllunga të mëdha tymi që dalin nga katedralja, ndërsa pranë “Notre Dame” janë grumbulluar kureshtarë të shumtë.
“Imazhet janë mbresëlënëse”, shkruan “Le Figaro”. Prestigjiozja franceze raporton se zjarri nisi rreth orës 18:50 nga papafungua e katedrales.
Macron ka anulluar të gjitha takimet e tij.
Në lidhje me ngjarjen ka reaguar edhe Trump.
Ajo është një katedrale mbi 850 vjeçare, dhe ka shumë vlera për popullin francez dhe jo vetëm.
Këtu keni pamjet kur shkrumbohet maja e saj.
/A.P/BN/
