Këshilli i Lartë i Prokurorisë në mbledhjen e sotme mori në diskutim pranimin e anëtarit të ri, Vate Staka.
Por me 6 vota pro, Këshilli vendosi që z.Vate Staka nuk mund të marrë pjesë në këtë mbledhje. Argumenti është se duhet pritur nëse do ketë ankimimeve për zgjedhjen e tij. Pas kësaj, KLP ka nisur diskutimet për çështje të rendit të ditës.
Prokurori i Shkodrës është i vetmi kandidat për anëtar të Këshillit të Lartë të Prokurorisë. Ky institucion funksionon me 10 anëtarë.
Pas shkarkimit të Antoneta Sevdarit nga Kolegji i Posaçëm i Apelimit, kryeprokurorja Arta Marku hapi garën dhe ftoi prokurorët të aplikojnë për këtë post. Mirëpo brenda afatit prej 2 javësh i vetmi që ka aplikuar është prokurori i Shkodrës Vate Staka.
Gjatë garës së parë ai nuk i bindi kolegët e tij që t’i përfaqësonte në Këshill, edhe pse Vettingun e ka kaluar me sukses.
Por kolegët nuk e kanë pranuar në mbledhje pavarëissht kësaj.
