Mbi 60 persona janë ndaluar dhe shoqëruar në komisariatet e Tiranës pas protestës së djeshme të opozitës.
Ndonëse nuk ka një akuzë mbi ta, prej orëve të mbrëmjes së djeshme dhe gjatë natës duke u gdhirë dita e sotme, policia ka nisur shoqërimet e qytetarëve, një pjesë e të cilëve janë identifikuar nga pamjet e kamerave të sigurisë.
Ndërkohë disa të tjerë po mbahen të shoqëruar në pritje të verifikimeve.
Burimet bëjnë të ditur se protestuesit janë shpërndarë në komisariatet dhe një pjesë në Drejtorinë e Policisë së Tiranës.
Vetëm mbrëmjen e djeshme, me përfundimin e protestës, policia ndaloi 20 persona. Operacioni policor ka vijuar në orët e natës dhe gjatë paradites së sotme.
