Si pasojë e sulmit me armë zjarri pranë një klubi të natës në Melbourne të Australisë, një roje sigurimi ka humbur jetën dhe tre persona të tjerë janë plagosur.
Ky incident u zhvillua rreth orës 3:20 të mëngjesit në lagjen e argëtimit që ndodhet në periferi të qytetit, shkruan Reuters.
“Duket se me armë është shtënë nga një makinë në drejtim të turmës që qëndronte jashtë klubit të natës”, ka thënë inspektori Andreë Stamper.
Ndërsa një zëdhënëse e Policisë tha se ende nuk ka dëshmi se sulmi i kryer ka të bëjë me terrorizmin.
Deri më tani asnjë person nuk është arrestuar dhe hetimet janë duke vazhduar për zbardhjen e këtij rasti.
