Kryetari i Partisë Demokratike Lulzim Basha ka reaguar pas protestës me një shënim në faqen e tij në Facebook.
“Protesta e sotme kombëtare ishte bashkimi më i madh i shqiptarëve kundër qeverisë ilegjitime, padrejtësive, krimit dhe korrupsionit. Këtë bashkim nuk e ndal më as dhuna dhe as gazi lotsjellës! Shumica e sotme e vjedhur, e poshtëruar, do të jetë nesër shumica e njerëzve me dinjitet, me krenari, e njerëzve që do të ndërtojnë këtu jetën e tyre, me rroga, kushte dinjitoze dhe dashuri për njëri-tjetrin! Ndërsa kriminelet e politikanët e korruptuar do të shkojnë para drejtësisë dhe prapa hekurave”, shkruan Basha.
“Nuk ka kompromis me ëndrrën për ta bërë Shqipërinë si e gjithë Evropa! Zoti e bekoftë Shqipërinë”, e mbyll reagimin kreu i PD-së, duke përcjellë edhe pamje nga protesta e sotme që zgjati kati 5 orë.
