Është ndërprerë për shkak të dhunës ndeshja më e rëndësishme e javës në kategorinë e parë midis Besës dhe Bylisit, dy ekipe që luftojnë me njëra tjetërn se kush do të ngjitet sezonin tjetër në superior.
Në Kavajë nuk kish te ndodhur kurrë në këto 5 vitet e fundit që të kishte një interesim kaq të madh nga ana e tifozerisë vendase, teksa të pranishëm në stadium janë afro 1500 tifozë.
Besa dhe Bylis janë përballur dy herë këtë sezon. Në fazën e parë, kavajasit kanë fituar 2-0 në fushën e tyre, ndërsa në fazën e dytë kanë barazuar 0-0 në Ballsh. Për momentin, Besa është më e avantazhuar në ndeshjet direkte.
78′ Ndërpritet loja në Kavajë. Tifozët godasin me sende të forta gjyqtarin anësor Agaraj. Situata del nga kontrolli. Ndërhyn edhe Policia.
Rezultati i ndeshjes është 0-1.
